ՎՍՀ-ում Հայաստանի Հանրապետության դեսպան Վահրամ Կաժոյանի և Հանոյի գիտության և տեխնոլոգիաների համալսարանի գլխավոր ռեկտոր, պրոֆեսոր Ժան-Մարկ Լավեստի միջև հանդիպում:

23 նոյեմբերի, 2021

Ս.թ. նոյեմբերի 23-ին Վիետնամի Սոցիալիստական Հանրապետությունում ՀՀ դեսպան Վահրամ Կաժոյանը հանդիպել է Հանոյի գիտության և տեխնոլոգիաների համալսարանի (University of Science and Technology of Hanoi) գլխավոր ռեկտոր, պրոֆեսոր Ժան-Մարկ Լավեստի (Principal Rector, Prof. Jean-Marc LAVEST) հետ։

Հանոյի գիտության և տեխնոլոգիաների համալսարանի ռեկտոր, պրոֆեսոր Ժան-Մարկ Լավեստը, ով երկար տարիներ ղեկավարել է Հայաստանի ֆրանսիական համալսարանը, հանդիպման ժամանակ հակիրճ ներկայացրել է համալսարանի գործունեությունը և հիմնական ոլորտներն, ինչպես նաև մանրամասն անդրադարձել է համալսարանի կողմից տրամադրվող բակալավրիատի, մագիստրոսական և հետբուհական ծրագրերին։

Հանդիպման ժամանակ նաև քննարկվել են Հանոյի գիտության և տեխնոլոգիաների համալսարանի և Հայաստանում գործող համալսարանների միջև փոխըմբռնման հուշագրերի կնքման հնարավորությունները, ինչպես նաև համագործակցության հեռանկարները։

Հանոյի գիտության և տեխնոլոգիաների համալսարանի ռեկտոր, պրոֆեսոր Ժան-Մարկ Լավեստի հետ հանդիպման ժամանակ քննարկվել են նաև Հայաստանի քաղաքացիներին USTH-ում ուսանելու համար կրթաթոշակի տրամադրման, դասախոսների փոխանակման, ինչպես նաև համալսարանի հիմքի վրա Հանոյում ԹՈՒՄՈ-յի (TUMO) մասնաճյուղի բացման հարցերը:

Հանդիպումից հետո Հանոյի գիտության և տեխնոլոգիաների համալսարանի ռեկտոր Ժան-Մարկ Լավեստը կազմակերպել է կարճ շրջայց համալսարանի տարածքով, ինչպես նաև ներկայացրել է համալսարանի նոր համալիրը կառուցման ընթացքը:

Կողմերը պայմանավորվել են շարունակել հանդիպումները՝ քննարկված հարցերի իրականացմանը հետամուտ լինելու նպատակով:

Հանոյի գիտության և տեխնոլոգիաների համալսարանի ռեկտոր Ժան-Մարկ Լավետսի հետ հանդիպմանը մասնակցում էին ՀՀ դեսպանության երկրորդ քարտուղար Արամազդ Մուրադյանը, ինչպես նաև համալսարանի ռեկտոր դոցենտ, տիկին Դին Թի Մայ Թան, պրոռեկտոր դոկտոր պրն. Նգույեն Հայ Դագը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր